政壇：股神之子知專演名曲

「股神」巴菲特點石成金嘅超能力吸引無數信徒追隨，但佢個仔彼得巴菲特（Peter Buffett）就活出自己精彩嘅音樂世界。尋日佢現身調景嶺知專設計學院，同數碼音樂及媒體高級文憑十位學生同台演繹佢嘅名曲《Plastic Tomb》。

被追問爸爸嘅事多過講自己，Peter坦言後生時會覺得好挫敗，但依家已處之泰然，仲賣口乖話咁樣幾好，可以吸引大家坐低聽佢講音樂。

Peter有史丹福唔讀，退學轉投音樂懷抱，最擅長係作曲，奧斯卡得獎大作《與狼共舞》配樂就出自佢嘅手。