政壇：發叔大疊金牛鋪草皮

快活谷馬場尋日舉行賽事，新界鄉議局主席劉皇發同太太吳妹姝嘅愛駒「龍船快」都有份出賽，而賠率七點幾成為大熱之一，發叔兩公婆同新抱現身替愛駒打氣。

起跑前，發叔企喺廂房露台（目及）到實，似乎胸有成竹，勝算十足。忽然，佢喺袋度拎咗一疊金牛出嚟，同新抱交頭接耳，之後就去落注。唔通佢想贏獎金之餘另有斬獲？

冇幾耐，見「龍船快」嘅賠率升到四點五，成為第二大熱，同紹榮鋼鐵始創人龐鼎元太太龐熊少珠嘅「鋼志」對撼。可惜發叔嘅愛駒起跑快但後勁不繼，一疊金牛就咁鋪咗草皮。