煲呔曾委任民望超低嘅林公公做政務司司長（CS），引起公憤，理由有好多，包括佢強推替補機制，被指剝奪市民選舉權，於是早前有大批市民上街高呼要踢走林公公。
其實仲有另一個原因，就係《基本法》訂明每當特首放假、外訪或者遇上不測，CS就會依法署任特首一職，成為香港嘅領導人。呢個港人嘅噩夢終於成真，煲呔曾今日下晝起離港休假三日，林公公因而可過吓特首癮，但佢好快又要離港外訪，聽日同後日改由財爺鬍鬚曾接力署任，咁即係林公公只係做得半日特首，咁港人都冇咁驚！