政壇：王敏剛孭50磅游渡海泳

    • 港區全國人大代表Peter王敏剛搵埋中銀國際副執行總裁謝湧海，組隊參加尋日嘅維港渡海泳，身形豐滿嘅Peter以一小時游畢全程，上水後氣都唔喘，佢自爆當年係渡海泳常客，可惜事隔三十年，肥咗五十磅。

    佢話中途風浪大，差啲搵唔到轉折站浮標；隊友謝先生都係老將，九歲開始習泳，今年六十歲嘞。謝生牙擦擦咁話賽前只喺石澳泳灘練水兩次，完成賽事，證明寶刀未老。

    本來新世界發展執董Adrian鄭志剛都諗過落水，可惜太忙無暇練水，最終打消念頭。不過佢全程喺岸邊做啦啦隊打氣，仲頒獎畀得獎泳手添！

    「Money18免費即秒股票報價網站」現推出8升級功能，財經資訊，實時實發！

    王敏剛（左）同老友謝湧海（右）寶刀未老，游畢全程。

    鄭志剛喺岸邊做啦啦隊打氣。