個女人慘？香港個老婆仲慘！

【本報訊】「個女人慘？香港屋企人仲慘呀，香港個老婆仲慘呀！」在內地「拋妻棄子」失蹤的姓周港男，原來欠債纍纍，累得家人包括妻子及胞姊借錢替他還債，但仍繼續有大耳窿上門追數，周的胞姊昨力數胞弟不是，亦指摘「大陸個女人」纏着胞弟，收起證件不讓胞弟回港，令胞弟在港的家庭破碎。

周在港與妻兒居於天水圍天頌苑一單位，門外貼有一張指周已不在單位居住的告示，有街坊指過去不時有人上門向周收數，屋苑保安員亦指，周已沒有出現一年。

周的父親及胞姊則居於葵涌葵盛西邨一單位，周的胞姊激動地表示：「我細佬喺邊？我哋都想搵佢，如果你哋搵到就通知我哋啦！」「個女人（劉女）慘？香港屋企人仲慘呀，佢老婆（弟婦）仲慘呀！」她透露，胞弟欠卡數及大耳窿至少十多二十萬元，「佢每次打電話畀我都係借錢，淨係識攞錢，我已經借過唔少畀佢！」八個月前胞弟打電話給她，便聲稱「大陸個老婆要生仔冇錢！」而弟婦亦為替胞弟還債而將樓一按再按，現在他們已分居。