政壇：莫華倫演孫中山焗忍口
今年係辛亥革命百周年紀念，康樂及文化事務署同香港歌劇院創作咗一套名為《中山．逸仙》嘅原創歌劇，今晚喺文化中心大劇院作世界首演。歌劇破格起用香港編劇同香港中樂團伴奏，仲由世界級男高音演唱家、香港歌劇院藝術總監Warren莫華倫飾演男主角孫中山添！
前日歌劇舉行總綵排，Warren孫中山上身，一身中山裝打扮維肖維妙，同平時西裝骨骨相比，有另一番味道。為咗保持最Fit狀態，見佢成晚只係飲水同無糖可樂充飢，非常忍得口。
Warren話今次歌劇係用普通話演唱，同以往唱英文嘅感覺好唔同，確有挑戰性，但佢覺得套劇好有意義，因為可以用意大利歌劇嘅美聲唱腔，向全世界弘揚中華文化同歌劇文化。
