政壇：陳岳鵬現場聽喬布斯金句

Apple電腦教主喬布斯（Steve Jobs）逝世，令一眾電腦迷黯然神傷，好多人都會談及喬布斯生前嘅軼事。原來特首辦特別助理Ronald陳岳鵬（圖）都曾經同喬布斯有過一段偶遇，話說○五年喬布斯喺史丹福大學畢業禮致辭時，講咗嗰句金句：「Stay hungry，stay foolish」（求知若飢，虛心若愚），Ronald咁啱就係台下畢業生之一。

Ronald話呢句說話對佢影響非常之深，至今都係佢嘅人生座右銘。不過，其實呢一句說話並唔係出自喬布斯，而係出自六、七十年代一本反文化雜誌《Whole Earth Catalog》停刊號嘅封底。

就連喬布斯都話呢本雜誌係佢年輕時嘅「聖經」之一，又形容雜誌係當年嘅「平面印刷Google」。其實喬布斯同大家分享佢呢句說話係想勉勵畢業生唔好安於現狀，要不斷探求知識。