政壇：黃家和最愛布根地紅酒
有奶茶大王之稱嘅餐飲聯業協會會長黃家和（Simon）喺咖啡奶茶業界實力雄厚，估唔到佢對紅酒都一樣咁有實力，每年仲會特登飛去法國多個釀酒區搜羅靚酒，當中最愛布根地（Burgundy）嘅酒莊Chembertin Grand Cru紅酒。
Simon日前喺中環一間食肆同一班餐飲聯業界嘅老友撐枱腳，席間大講布根地紅酒，佢話當地氣候、土壤都非常之適合釀酒，而佳釀亦有種好獨特嘅香氣。由於當地紅酒產量好少，Simon每年都會過去揀番啲心水貨，依家佢屋企都收藏咗唔少靚酒，有時同朋友食飯都會開支品嘗。
黃家和（右一）同餐飲聯業協會幾名朋友聚餐聯誼並歎吓紅酒。