政壇：馬清鏗教路元朗「上車」

近年嚟80後呻買唔到樓，但其實依家有樓揸手嘅年長一輩，當年都好難買樓。好似前東華三院主席馬清鏗話自己二十幾歲嗰陣時，都係一樣未買到樓，所以奉勸年輕人要衡量本身嘅供款能力，唔好期望一買就買半山，可以考慮吓喺元朗、天水圍較偏遠地區上車先喎。

馬清鏗仲話，近日股市好反覆，佢話歐債危機對全球影響好大，但遲早會搞得掂，最多印多啲銀紙啫，佢建議大家有股票在手嘅，最好放咁啲，改買長債。