政壇：吳亞軍膺內地雙料女首富
胡潤尋日公布《2011胡潤女富豪榜》同《2011胡潤全球白手起家女富豪榜》，中國女首富嘅寶座亦換咗人。舊年排頭位嘅玖龍紙業董事長張茵跌落第四，取代佢嘅係龍湖地產掌門人吳亞軍，佢亦係全球白手興家女富豪之首，即係話佢兩個榜都攞冠軍。
根據胡潤嘅統計，吳亞軍嘅身家有四百二十億元（人民幣．下同），比喺中國十大女富豪中、唯一唔係白手興家嘅碧桂園太子女楊惠妍多六十億，而陳麗華就第三，財富有三百三十億元。
睇番個榜，就會發現內地嘅女富豪年輕、又多金。頭五十名上榜女富豪嘅平均財富有九十七億，比兩年前多咗百分之四十七，升幅亦係歷年最大嘅，當中十四人嘅身家超過一百億。佢哋平均只係四十八歲，比百富榜仲要細三歲。
