政壇：鄭裕彤豪捐七位數行善
周大福集團主席鄭裕彤尋日帶頭捐七位數字行善，公子鄭家純都出力搞慈善晚宴，晚宴設拍賣，籌得嘅善款將撥捐鑽石力量慈善基金會及中華慈善總會，為貧困青年提供助學。純官話，真正財富，係幫助有需要人士，將希望帶畀人喎。
鑽石貿易商Diamond Trading Company（DTC）尋晚喺香港舉行國際慈善晚宴，冠蓋雲集麗思卡爾頓酒店。下晝嘅記者會彤叔全程撐場，經常笑容滿面，縱橫商界多年嘅彤叔老友眾多，DTC都係佢生意夥伴之一，所以對方搞慈善騷，彤叔即刻拍心口做主要贊助商。
鄭裕彤捐七位數字撐非洲及中國貧困學生，善心滿瀉。