政壇：唐唐緋聞嚇窒阿媽

    • 疑似特首候選人政務司司長唐英年（唐唐）嘅婚外情緋聞備受關注，係流言定空穴來風未必無因？真係要當事人出嚟澄清吓。唐唐阿媽唐尤淑圻約咗老友去中環high tea，問到阿仔參選一事時，佢笑笑口話：「當然支持啦，自己個仔喎！」咁婚外情又點呢？唐媽媽一聽就收晒滿面笑容，面黑黑話相信囝囝唔會做啲咁嘢。

    尋日下晝三點三下午茶時間，唐媽媽同大班朋友出現喺中環歷山大廈二樓間COVA，其中一個係富商邱德根夫人裘錦蘭，佢哋傾到指手畫腳，相當開心。一個鐘頭後唐媽媽率先離開，我哋趨前問佢唐唐有外遇同私生子嘅傳聞，唐媽媽面黑黑，好冷漠咁話「冇聽過」呢啲傳聞。

    唐媽媽又好緊張話，自己從來冇同新抱郭妤淺傾過呢單嘢，而囝囝亦冇同佢講過有呢啲嘢喎。

    「Money18免費即秒股票報價網站」現推出8升級功能，財經資訊，實時實發！

    唐媽媽話唔信囝囝唐英年有婚外情同私生子。