政壇：趙式平有喜晒孕婦LOOK
華光航業集團董事長趙世光嘅三女趙式平，喺○九年同法籍男友Frederic Nugeron結婚，當時佢揚言婚後隨時準備生兒育女。雖然佢經常要到上海打理生意同在港照顧父親，但今年終於造人成功！
式平最近喺其網站上載同老公嘅合照，照片中明顯見式平腹大便便，估計應懷胎至少五個月，式平嘅手腳同面龐均比以前飽滿圓潤，仲一臉幸福咁攬住老公。大肚照曝光後，唔少朋友都留言祝賀，式平當時話身在法國，之後會飛返上海。
記者致電身在上海嘅何琍琍，對於榮升做婆婆一事，佢話：「囡囡嘅私生活我唔方便講。」對於丈夫趙世光嘅身體狀況，佢話：「幾好，康復當中，佢喺醫院休息，我成日都有去探佢。」
