政情：數碼通新舖電子貨幣化
數碼通喺ifc商場嘅新舖重新開業，記者入到去，就覺得同一般嘅門市好唔同，睇真啲原來入面冇晒平時一張一張set晒喺度用嚟簽約同收錢嘅枱同電腦，反而店員仲個個拎住iPhone同iPad喺度篤篤吓，到底搞邊科？
即刻捉住佢哋嘅CEO黎大鈞問吓，佢就話新舖係全亞洲第一間採用由VeriFone同Global Payments提供最新付款方案嘅門市，喺iOS平台無線操作，為已加密嘅數據提供HSPA網絡傳輸，所以喺店內任何地方都可以進行交易，佢話希望為顧客帶嚟新嘅購物體驗，同埋用少啲紙，環保啲之餘，效率仲高咗，仲話希望遲啲可以喺全線門市採用喎！
