SUN世代：事業得意 盼覓真愛
「其實我乜都有，事業又有，公職又有咁多，下一個目標當然係搵個女朋友啦！」年僅二十歲的Jeffrey，自爆恨拍拖，少男情懷溢於言表，惟工作及公職已佔據了他所有時間，故至今仍未有戀愛對象。
內在美最緊要
雖然感情生活一片空白，但他希望早日成家立室，並笑言已努力尋找對象：「我未拍過拖，不過我成日諗，我爸爸今年四十一歲，已經有我呢個二十歲嘅仔幫佢做嘢，可以唔使咁辛苦！如果我好似爸爸咁，四十幾歲就有個二十歲嘅仔就好！不過我依家都未有女朋友，我會努力o架啦！」
Jeffrey希望找個「入得廚房，出得廳堂」的好老婆。在酒樓工作的他，明白箇中辛酸，不希望發生一段「酒樓情緣」：「我唔想女朋友，或者將來嘅太太咁辛苦，所以唔想佢喺酒樓做嘢！其實搵女友最重要合眼緣，要睇內在美，靚唔靚唔重要！」
為善不甘後人的Jeffrey獲頒「中華英才五星勳章」。