香港咖啡紅茶協會主席黃家和由細就喺茶餐廳打躉，奶茶嘅香味牽引住佢要繼續呢個文化。佢尋日親自帶隊，同三十位嚟自美國、英國、澳洲、西班牙、加拿大、中國、台灣同香港嘅奶茶迷去咗飲奶茶，仲搵咗舊年嘅「金茶王」大賽冠軍羅德師傅親自傳授沖奶茶技巧。
今次嘅奶茶之旅可以話係嚟緊「國際金茶王大賽2011」嘅前奏活動，金茶王今年係第三屆舉行，第一屆嘅冠軍係洪水橋嘅茶餐廳，由日賣五百杯到增至每日最少賣二千杯，仲試過沖茶畀重慶市委書記薄熙來飲。
黃家和（後排右一）帶團友去老友劉榮坡（後排中）嘅茶餐廳歎奶茶。
