怕得罪熟客小店難響應

【本報訊】政府建議擴大膠袋徵費計劃，卻允許店舖將費用「落自己袋」，做法惹起不少爭議。有海味店東主坦言，若膠袋徵費「無王管」，就會因避免得罪熟客而不收膠袋費，「街坊買少少好難收，買得貴又費事收啦」，有小本經營的鞋店東主亦指膠袋收費增加營運成本，認為做好環保教育工作才是治本之道。

於北角經營海味店六年多的孫先生支持當局擴大膠袋徵費計劃，但對於建議店舖自行徵費做法則有保留，「咁樣未必間間肯做，做街坊生意好難收人膠袋費，但如果買一萬幾千蚊嘢嘅，唔通一個幾毫都同個客計咩！」他坦言自己未必響應收費，又透露即使政府推行膠袋徵費後，仍有不少長者喜歡一次索取多個膠袋，「支持環保嘅，唔收費都會響應，如果唔支持嘅，收幾貴都冇用。」

增環保教育方治本

另一鞋店店東陳先生則稱，若政府擴大計劃會支持，但承認若有客人堅持不付費亦不會強行收費，又稱近年膠袋成本大增，大膠袋每個成本約為一元五角，認為即使收費亦無助減輕成本，認為增加環保宣傳教育更有效。