政情：張天愛憂恐怖分子報復
美國日前宣布擊斃九一一事件嘅恐怖頭目拉登之後，消息震撼全球，美國仲即時向國民發出恐襲嘅警告。經常同老公王盛德往返美國嘅時裝設計師張天愛話，都擔心拉登逝世會引發恐怖分子的復仇行動。近年已少咗返美國嘅張天愛又話，老公經常喺內地拍戲：「（佢）以前擔心去中國，依家佢擔心去美國。」
張天愛話，中國人相信因果循環，冤冤相報何時了，事發之後，見到美國人慶祝狂歡，佢只係覺得美國人諗嘢可能簡單表面咗，好似以為人死咗就乜都解決晒：「拉登嘅死唔代表啲咩，反而一定有事發生，報復行動已經開始，係一個循環，正如奧巴馬都話叫大家唔好周圍去。
張天愛擔心拉登之死會激發復仇行動，佢話同丈夫已少咗返美國。 （資料圖片）