政情：梁卓偉殘Look逛名店

    • 本港醫療界正值多事之秋，食物及衞生局局長周一鑊卻丟低蘇州屎，走去南美訪問，離港時間長達三個禮拜，副局長梁卓偉焗住留守大本營，一邊要平息前線醫護人員嘅怒火，一邊要同公私營醫療團體商討深化防止內地孕婦湧港產子嘅七招。

    唔知係咪工作太多，梁卓偉都捱到殘。呢個禮拜一，梁卓偉喺尖沙咀半島酒店嘅Hermes購物，見佢面容憔悴，頰上鬚根都未剃，同平時返工官仔骨骨好唔同。

    梁卓偉喺食衞局經常要擔大旗，由豬流感到日本大地震，都係佢日日代表食衞局出席記者會，亦因此畀立法會議員評為交到貨嘅副局長，可惜佢跟正周一鑊，想唔做死都難。

    「Money18免費即秒股票報價網站」現推出8升級功能，財經資訊，實時實發！

    梁卓偉趁假日行街街，仲去名店購物，不過佢個樣幾殘吓。