政情：紅姑葉童分途做善事
連續七年為香港地球之友《綠野先鋒植樹比賽》擔任綠色大使嘅「紅姑」鍾楚紅，日前重訪首屆綠野先鋒嘅植樹場，探望佢喺七年前種嘅小樹苗。難得嚟到元朗大棠嘅植樹場，紅姑更親自種咗一棵小樹苗，跟住仲笑住話：「呢個係我個仔！」
作為「母親」，佢最關心「囝囝」可唔可以健康成長，佢見到嗰度春天特別乾旱、雨水少，擔心囝囝撐唔住，二話不說就將原來留畀自己飲嘅水，全部灌溉畀小樹苗。佢仲呼籲市民要愛護林木，小心山火，以免白費大家嘅一番心血。
另一邊廂，葉童亦去咗做善事。佢係宣明會嘅資深助養者，早前仲首訪孟加拉嘅貧窮家庭，無論父母或小孩都好瘦弱，令佢傷心不已；好在之後探訪咗港人助養嘅小孩，一家生活逐步得到改善，令佢睇到貧窮家庭嘅曙光。
