飲食工人爭標準工時

【本報訊】特首在施政報告中承諾研究訂立標準工時，但具體時間表至今欠奉，約二十名飲食及酒店業職工總會代表及工友，昨高呼「工人做到落晒形　工時研究唔見影」的口號，遊行至政府總部，抗議當局「做咩都慢過人」，要求特首於餘下的任期內盡快展開研究及制訂立法方向。有飲食業工人直言，最長日做十四小時，對家庭及個人健康均有影響。

二十名抗議人士遊行期間一直高呼「曾蔭權、冇口齒」，並以谷爆的吹氣紙袋掉向戴上曾蔭權面具的代表，諷刺本港工時長令工人「谷爆」，但當局遲遲未有立法規管工時。

「唔好射波畀下屆政府」

任職飲食業二十多年的宋民祥表示，「工時最低消費係十二個鐘，更試過做足十四個鐘」。三十多歲的他直言，「希望特首盡快立法，唔好射個波畀下屆政府，唔好好似最低工資咁要等十幾年」。任點心師傅二十多年的馬先生亦指，每日工作十多小時「返工時仔女瞓緊覺，放工時佢哋又已瞓咗，依家個仔有咩需要都唔搵我」，對家庭的影響十分大。

工會組織幹事胡穗珊指，曾向勞工及福利局了解有關研究工作，當局指正搜集數據，尚未進行諮詢。她指，新西蘭早於一九三六年已實行標準工時，法國、英國等國亦在三十年代立法，直斥「香港話係發達城市，立法都遲咗人哋成幾十年。