政情：黃百鳴投車牌唔敢去盡

    • 電影人黃百鳴同女兒黃漪鈞工作上拍住上不特止，連競投車牌都上陣不離父女兵。運輸署尋日舉行傳統車牌拍賣，兩父女都睇中兩個「PM」字頭車牌，事關呢個係佢哋旗下電影製作公司個名嘅縮寫，但就因為唔捨得用近二十萬元競投「PM 1」，最終以平好多嘅價錢投得「PM 618」。

    「PM 1」底價六萬元，有另一男士志在必得，要同佢哋兩父女拗手瓜，當叫價至十一萬元時，每口叫價增至一萬元，最終車牌以十九萬元畀人投咗。黃老闆退而求其次，以一萬六千元投得另一個車牌「PM 618」。

    黃老闆話係特登帶埋乖女一齊嚟競投「PM」字頭車牌，仲打算將車牌放喺公司車用，依家只係投得一個，佢都冇乜所謂，因為佢原本都預咗超過二十萬元就唔投。

    Money18 新功能「18好路數」為你預測心水股票升跌機會率。

    黃百鳴同囡囡黃漪鈞以萬零蚊投得「PM 618」，比起「PM 1」平得多。