政情：人大政協「押」寶上京
近三十名港區全國人大代表及全國政協委員，尋日朝早拉隊搭飛機上京，準備開「兩會」。見到合和實業主席「哥頓」胡應湘嘅太太郭秀萍，雖然佢係陪老公開會，但打扮絕不求其，拎Chanel手袋，大方又得體。「美容教主」鄭明明拎LV Speedy，全國政協委員朱蓮芬就揀LV Vernis。
全國政協委員盧文端都係LV粉絲，左手拎LV巨型旅行袋，右手推住德國RIMOWA旅行篋，跟住仲發現佢帶咗四大箱法國著名紅酒Buzet上京，呢隻酒以口味醇厚見稱，佢嘅「兄弟」施子清都唔執輸，空運一大箱貴州茅台宴客。
施子清（右）帶一大箱茅台上京，唔知會唔會請埋汪明荃（左）飲呢？
盧文端（右）又拎LV，又推住RIMOWA旅行篋，裝備唔嘢小。