李嘉誠為兒情變首開腔

嫁入豪門夢碎的梁洛施（Isabella）宣布與「小小超」李澤楷分手後，三名年幼兒子的撫養問題一直惹人關注，身為爺爺的長實集團主席李嘉誠心情似乎未有受到事件影響，昨日如常打高爾夫球，對於兒子與女友分手，李嘉誠友善地說：「我咩嘢都唔會講！」而身為梁洛施契爺的黃秋生則與契女傾近半小時電話，形容梁心情平復，又為梁平反指有關梁是因約見初戀男友導致分手的報道並非事實，至於梁的發言人盧覓雪及媒人楊紫瓊則齊齊封嘴。

自梁洛施與李澤楷分手消息傳出後，兩位男女主角及他們的親友也成為追訪對象，昨日清晨六時，大批傳媒在李嘉誠位於壽臣山道的大宅等候，一小時後，李嘉誠如常出發往打高爾夫球，見門外大批記者守候，態度友善地主動揮手打招呼，當傳媒蜂擁而上時，親自駕駛寶馬座駕的李嘉誠，隨即停車打開車窗接受發問，表現相當大方。

「淨係影相其他嘢唔講」

問及有否留意兒子分手的新聞時，他說：「早晨，我唔會講乜嘢㗎，fine。（擔唔擔心三個孫仔？）我咩嘢都唔會講，對唔住。（聽聞畀咗三十億Isabella？）對唔住，我乜都唔會講。」之後李嘉誠到達深水灣哥爾夫球會，當下車時看見仍有在大批記者尾隨，他即說：「唔好意思，呢度係私家地方。」但見到記者仍鍥而不捨，便停下腳步說：「我畀你哋影，大家守規矩。」期間記者趁機繼續追問三名孫仔去向，他只說：「淨係影相，其他嘢唔講。（有冇見過三個孫仔？）好喇，我入去打波。」

當他步入球會後，先在一旁講了數分鐘電話，便開始落場打波，第一桿打了入沙池，不久行到另一面重新發球，約個半小時後，換上短袖恤衫的李嘉誠離開會所，但改由司機開車，沿途有一架私家車與一架電單車開路，當座駕駛離現場時，坐在後排的李嘉誠不停示意司機慢駛，小心在場記者。

另一邊廂，跟梁洛施合作拍攝《盜墓迷城3》的黃秋生，昨日以契爺身份表示，「我同梁洛施傾過大概半個鐘頭電話，（佢心情如何？）都係咁啦。（傾乜？）都係閒話家常，作為朋友只能夠默默支持，唔好去評斷件事喇！」

向來敢言的秋生則對事件有三點回應：「第一，感情係兩個人嘅事，外人加意見，都係唔禮貌；第二，作為佢契爺，我就係因為同佢（梁洛施）唔係唔熟，所以更加唔可以亂講；第三，有啲報道以為踢爆咗啲乜乜物物（指約見初戀男友而導致分手），以我所知就唔係，唔好以為報道出街，人哋唔回應，就將自己作嘅嘢信以為真，仲要去令其他人都信埋一份，啲報道冇咁威！」

楊紫瓊「唔識中文」封嘴

至於梁洛施的發言人盧覓雪則表示沒有補充，但對於黃秋生力撐梁，她則說：「好多謝黃秋生先生今次咁持平，今次Bella同秋生通過電話講咗件事，秋生再幫Bella講番啲公道說話，就係最好證明，真係封秋生做娛樂圈嘅衞道之士！」

身為媒人的楊紫瓊則現身意大利米蘭，當地二十六日晚上六時與未婚夫出席秋冬時裝騷，她對有關梁洛施發分手聲明，說：「我唔識睇中文！」及以「睇騷」為由不再回答提問。