全國政協常委陳永棋新正頭就有拉頭馬之喜，而且佢嘅愛駒「精密紡」自○九年出賽以來，一直未贏過頭馬，尋晚首次開齋喺快活谷夜賽以大熱門姿態奪冠，贏得三十六萬多元冠軍馬獎金之餘，棋哥仲買咗三千元獨贏及位置，再贏多一萬多元獎金，可算今日元宵佳節嘅最佳禮物。
棋哥尋晚一個人入場拉頭馬，但話返屋企後會同太太食飯慶祝，度過一個開心嘅中國情人節。最近一班港區全國人大、政協準備喺三月落區去中學講解國情，棋哥都有份參加，佢話為免被學生嘅問題考起，要積極溫書哦。
陳永棋（右二）贏近四十萬元過情人節。
