地球SUN視線：送舊易新過綠年

【記者趙美賢報道】送虎迎兔，農曆新年互送禮品、派發紅封包等傳統習俗，是不可缺少的環節。但無可否認，交換得來的禮品，未必全合心意，不少被束之高閣，最終歸宿可能是堆填區。其實只要透過以物易物方式，以己所不欲、換己所欲的物品，便可打造出雙贏局面，為地球減少更多的廢物。兔仔代表清潔，今年便靠「換」，換出綠色新一年。

「好多嘢都新簇簇，甚至未用過，掉咗真係好浪費，覺得傷害緊個地球。」任職接待員的Abby自言，聖誕節交換禮物得來的禮品還未及「處置」，新年「賀禮」預計亦會有一大堆，處理去留時必經腦交戰，因不少「舊」物仍然可用，只是嫌「阻碇」才忍痛掉棄；但自從Abby透過以物易物方式，將「家當」換領有需要物品，便不用因浪費而自責。

利是封循環再用

Abby表示，去年新年曾收到六盒曲奇餅、五盒朱古力等送禮「王牌」，難以全部「消滅」，於是透過以物易物，換取喜歡的物品：「啲嘢可以去到啲有需要嘅人手上，我又換到想要嘅嘢，環保又唔浪費！」

Abby在過程中意識到消費會不斷製造垃圾，對地球造成破壞，所以亦一改以往胡亂購物的心態：「買嘢前會諗諗之外，仲會上網睇吓有冇得trade（交易）?」她又將利是封循環再用，賀年食品「食幾多買幾多」，減少造成浪費。

送禮講心少包裝

新婚的Mandy則稱，結婚時收到不少大同小異的賀禮：「賣出去唔值錢，畀人又未必鍾意，掉咗更加浪費！」自一年多前得知以物易物途徑後，Mandy便將舊物換為實用品：「試過用舊書換廁紙，或者換其他想買書籍，慳到錢良心又會好過啲！」Mandy今年購買新年禮品時亦以簡潔為主，減少包裝：「送禮講心，其實都估到送咩，包唔包都冇所謂啦！」

香港以物易物網董事田曉直言，環保為世界大趨勢，本港堆填區快將飽和，以物易物除慳錢外，更可為環保出力，間接減少消費，善用資源；新年前後，網站上載率較平日增加五成，反映巿民環保意識日漸提高。