鑊鑊新鮮鑊鑊淫 餘孽包庇到何時

江山易改，淫賤難移。壹淫媒宣淫販賤推陳出新，花樣愈嚟愈多，以前淨係靠刊物賣弄色情，依家發展到刊物及網上齊齊宣淫，真係鑊鑊新鮮鑊鑊淫。

話說爛果報網站動新聞最近播放一段名為「大咪俾人，平胸亦自信」嘅短片，聲稱要勸喻女性勿因乳房小而自卑，仲邀請家計會嘅所謂教育幹事提供意見添。結果又係掛羊頭賣狗肉，當介紹乳房杯型時，影片快鏡播出多幅女性胸部大特寫性感照，其中一幅係一名外國女人裸胸露點照片，可以明顯見到乳房和乳頭，播出前冇任何警告字句。

叮，咁都得！有網民直指有人存心玩嘢，其實點止玩嘢咁簡單，擺明就係賣弄色情，誨淫誨盜，挑戰法律，所以，尋日卒之被淫審處暫定為第二類不雅物品。

正所謂一件污，兩件穢，壹淫媒網上宣淫已經唔係第一次嘅嘞。呢，舊年十月，壹淫媒旗下網站上載一段名為「如何自行檢查乳房」嘅短片，話就話教人如何預防乳癌，實際上係播放一套女子裸露胸部短片，四分鐘片段全程冇打格仔，乳房大特寫加上搓揉按壓，乜都有齊，結果又係被淫審處評為第二類不雅物品。

奇就奇在，壹淫媒將短片嘅警告字眼變嚟變去，淫審處未評級前係一個版本，評級後又係另一個版本，甚至被正式評為第二類不雅物品之後，有關字眼亦唔符合法例要求，直到被本報踢爆先至再次修改。而更奇嘅係，負責執法嘅影視處居然話喎，網站負責人已為短片加上適當警告字句，合乎業務守則要求，所以不擬採取進一步行動云云。

叮佢個鎯鎯吖！根據法例，發放不雅物品係嚴重嘅刑事罪行，一經定罪，初犯者最高罰款四十萬元及監禁一年，再犯者最高罰款八十萬元及監禁一年。影視處一句「不擬採取進一步行動」，就放過壹淫媒，咁豈不是有法不依？豈不是助紂為虐？計太一叮話齋，影視處以權代法，包庇縱容，隨意放生淫媒，荼毒青少年，唔止係助紂為虐，簡直同幫兇冇乜分別！

講開又講，港英餘孽同淫賤黎狼狽為奸，放生壹淫媒早就唔係乜嘢新聞。正如身兼淫審處審裁員嘅執業大律師龔靜儀話齋，壹淫媒網上宣淫嘅做法已有前科，影視處上次冇採取行動，令公眾以為處方處理手法並不謹慎，甚至有法不依，更易令網站有樣學樣，唔止有第一次、第二次，仲可能有第三次、第四次。

係咯，正所謂姑息養奸，港英餘孽對壹淫媒百擒百縱，令淫賤黎更加橫行無忌，愈墮落愈快樂，愈淫賤愈興奮。上次檢查乳癌，今次檢查乳房，下次可能輪到檢查肛門喇啩，事關自認契弟嘅淫賤黎真係有呢鋪癮o架！