SUN世代：運動健將打過加超聯
Howard在多倫多出生和讀書，也是運動健將，最叻踢足球，「我七歲就踢波，十六歲入埋省隊，打過加拿大超聯，係陣中極少數華人！」他擔當後衞，視德國名將馬圖斯為偶像，更想過以踢波為終身職業。「有一年同隊友想籌錢去愛爾蘭比賽，因為我哋夢想係踢英超，去當地比賽嘅話，就有機會被球探揀中，但始終籌唔夠錢啦！」
不過，Howard的足球生涯在十九歲便「被迫」終止，「踢波成日受傷，依家面上嘅疤痕，都係踢波整番嚟嘅！畀家人話得多，惟有放棄啦，其實真係好唔想退出㗎。」現在他視踢波為減壓良方，「依家有時間就會踢，喺上海都有一班波友㗎！」
上海情緣
上海也造就一段美滿情緣，「喺上海識咗女朋友，佢屋企做燈飾生意，都係香港過去幫手，大家背景好似。」他甜絲絲地說。
Howard極愛踢足球，曾加入多倫多華人足球隊，獲獎無數。