政情：積蘇着波鞋方便減肥
香港大學前日舉行「百周年啟動禮」，好多政商界名人校友都有嚟撐場，當中包括打入最新福布斯香港富豪榜十大嘅利豐集團馮國經、前財爺梁錦松同香港貿易發展局主席「積蘇」蘇澤光等。
不過，馮國經同阿松着皮鞋，積蘇就着波鞋，馮國經同阿松大大聲指住佢對鞋問：「你對鞋咁得意嘅！」積蘇就笑笑答：「係呀，方便減肥吖嘛。」話聲一落，兩人恍然大悟，繼續對住積蘇對鞋指手畫腳，神情同闊太講瘦身一樣興奮。
積蘇所指「方便減肥」嘅鞋，其實係佢對SKECHERS波鞋，有獨特嘅特厚楔形鞋底設計，據聞着住行路，可以加速熱量消耗，強化肌肉，唔怪之得積蘇成日都咁年輕啦。
馮國經、阿松同積蘇望住地下研究緊啲乜嘢呢？原來係積蘇對波鞋。
