政情：周國豐父子分甘同味
已故社交名人周啟邦嘅獨仔、任職大律師嘅Brandon周國豐，係城中罕有嘅住家男人，早幾日見佢推住架BB車同埋太太Jenny齊逛ifc嘅連卡佛同citysuper。行行吓，囝囝禮淳嗌肚餓，Jenny馬上將啱啱買嘅麵包搣一小舊，遞到BB嘴邊，但BB食量有限，食幾啖就飽。眼見麵包仲剩番大半舊，Brandon見唔好嘥就食埋佢。
Brandon（左）邊行邊咬麵包，嗒得好滋味。
Brandon（右）負責推車，Jenny為BB抹嘴。
見囝囝肚餓咬手指，Jenny（右）即刻搣麵包餵BB。