失業髮型師跳樓亡

【本報訊】不羈髮型師年輕時盡情玩樂，惟人到中年一事無成，年前更失業潦倒不堪，他浪子回頭，欲「的起心肝」重新做人，可是依然無法找到工作，他感到前路灰暗，生無可戀，昨晨在大埔寓所跳樓，結束渾噩人生。

死者黃一山（四十歲）、未婚、有兩弟兩妹，黃與其中一妹住廣福邨廣智樓十九樓一單位，其八十九歲祖母住同層另一單位。昨晨八時許，黃疑不堪失業打擊，意志消沉，由寓所跳樓跌落行人通道簷篷頂，再反彈地面，奄奄一息。救護員趕抵，證實黃當場死亡，因眼球凸出，死狀恐怖，加上當時正下雨，屋邨保安員於是用雨傘遮蓋屍體。警員其後聯絡到黃的男女親友到場認屍，悲慟不已。

黃的伯娘表示，姪兒年輕時已做髮型師，惟他「唔定性」，每份工「做唔長」，貪圖玩樂，至四十歲仍需年邁祖母照顧。伯娘又稱，姪兒於一年多前失業，積蓄耗盡，依靠綜援金過活，至兩個多月前，他「的起心肝，好想搵番份工，做番個好人」，惟他已年屆四十，難以跟年輕人競爭，求職一直無回音。

「佢都仲係咁自私」

伯娘慨嘆稱：「佢（黃）嘅老竇以前行差踏錯過，後來做義工想做番個好人，不過喺十年前猝死咗，依家到個仔生性啦，想搵番份工，又發生咁嘅事，可能真係天意弄人啦！」黃的祖母難抵喪孫悲痛，拭淚哽咽：「佢（黃）都仲係咁自私。」