SUN世代：實用大過天唔鍾意買衫

Felix家中有四兄弟，他排第三，唯獨他子承父業，當初「拎住件衫報價都唔識，樣樣都要問老竇」，如今他成功轉型由做製衣至搞時裝，靠的是肯搏肯試。不過原來他的穿衣之道是實用大過天，未因「近水樓台」而狂置新裝，「做衫嘅人，唔鍾意買衫㗎」。

身穿T-shirt牛仔褲的Felix說：「一件衫可以着年幾，褲仲可以三、四年，着到爛先買。」至於男士最愛的靚車，他亦以實用行先，返內地傾生意鍾情揸英國吉普車，貪其風馳於沙塵滾滾的泥路依然「捱得住」。

雖然要中港兩邊走忙個不停，原來Felix在家亦是稱職好爸爸。「每日做完嘢返到屋企，個女就快瞓，根本無時間傾偈。」為了爭取親子相處，他惟有犧牲睡覺時間，每朝六點起身送女兒上學，九年來堅持「日日送」，如今女兒已是十三歲的中二生。「開始送嘅半年，咁早起身真係想死啊！」這位慈父雖口有怨言，臉上卻流露出幸福滿瀉笑容。