政情：田二少廿蚊張隔空互片
政情：田二少廿蚊張隔空互片
喺最低工資水平鬧出風波而被嘲為「廿蚊張」嘅富貴黨現任副主席張宇人，同「未來」副主席田北辰呢兩名核心，尋日又公開爆發罵戰。廿蚊張早前力撐大家樂將員工食飯時間由有薪變無薪嘅變相減薪做法，惹嚟田二少非議，直指廿蚊張嘅言論唔代表該黨立場。廿蚊張其後反責田二少唔係做飲食業，又成日出外公幹唔喺香港，唔知道業界咁多嘢。田二少尋晚再次接受電台訪問炮轟廿蚊張，並聲言會加入罷食大家樂行列。一個政黨搞成咁，係咪要檢討吓呢？