政情：一行禪師「空」字贈港人
政情：一行禪師「空」字贈港人
現今國際最具宗教影響力領導人物之一嘅一行禪師（圖）旋風抵港，嚟緊由佢舉辦嘅生活營同公開講座已全數爆滿。聞說參與佢主持嘅活動不乏趁機洗滌心靈嘅名人，大家都想實踐禪師嘅哲學，喺日常瑣事中體會「幸福就是此時此地」。
已屆八十四歲嘅一行禪師係越南人，早年喺法國成立梅村佛舍道場，推廣正念生活藝術，備受社會稱頌。一行禪師今次率領五百名大弟子抵港，展開為期兩個禮拜嘅活動。佢尋日去港大美術館為書法展揭幕，認為書法可以反映人生哲理嘅一行禪師，每到一個國家都會用嗰個國家嘅語言題字，今次亦唔例外，分別題咗多幅中文書法作品用作展覽。
佢尋日題咗個「空」字送畀港人，希望港人能藉此學習釋放壓力，感受活在當下嘅喜悅。
一行禪師
一行禪師特登題咗個「空」字送畀港人。