SUN世代：見到仔仔即刻叉足電

Leslie掌管微軟在香港、台灣及澳門的線上業務，周一至周三在台灣工作，周四及周五則在香港，記者問他每星期都要兩邊走辛苦嗎？樂天的他說：「每份工都有好有唔好，除非你唔撈，否則你冇得選擇！我有個快樂秘訣，就係集中諗工作嘅好，唔好嘅就唔諗，咁就會做得開心！」

工作為Leslie帶來不少快樂，兩歲半的兒子亦是他的歡笑泉源：「雖然好鍾意我嘅工作，但都有耗盡能量嘅時候，不過一見到仔仔，幾攰都唔記得晒，即刻叉足電！我自己係獨子，童年比較孤獨，所以好想生多個女，湊個『好』字，等兩兄妹有玩伴，開心啲！」

問他會否期望兒子「繼承父業」，做個跟他一樣成功的IT奇才？謙虛的Leslie稱自己未算成功，還有很多事要學習，語重心長地說：「我只希望佢做個健康開心嘅好人。做咩都冇所謂，佢有興趣又做得開心就得！」

Leslie旅行時不忘扮嘢娛人娛己。