健康是寶，匯賢智庫主席葉劉淑儀家族中有腸癌病史，而呢種病亦係本港第二號癌症殺手，所以葉劉每隔兩、三年都會照一次腸鏡。尋日佢做完檢查，醫生話佢非常健康，葉劉開心到即刻喺facebook宣布可以喺政界玩多幾年！
葉劉話，現代人應酬多、食肉多兼少運動，所以佢平時會去健身室做運動，無論係帶氧、負重同舒展運動都會做。今次為咗照腸鏡，佢兩日前已經開始戒口，尋日朝早入院正式檢查前，再灌咗兩公升瀉藥排清體內嘅嘢，照完出嚟醫生話完全冇問題，一粒息肉都冇，五年後至需要再檢查。
區議會出年選舉，盛傳葉劉可能轉戰薄扶林選區，為輸咗補選嘅徒弟劉應東報一箭之仇，佢冇斷然否定，只係話依家仲未有定案。