無辜港人喺馬尼拉客死異鄉，好多香港人都接受唔到，身為虔誠基督徒嘅中策集團主席馬時亨直言菲律賓政府處理事件無能，佢更以「哀傷、悲憤」嚟形容。肥亨嘅太太王培琪（Linda）亦感同身受，Linda擔任主席嘅基督教團體「全城更新」，今日下晝三點起會喺中環遮打花園舉行追思會，邀請市民參與，為事件中嘅傷亡者祈禱。
呢個地點喺正中環，據聞肥亨嘅高球波友、保安局局長李少光都會出席追思會，大會仲請咗有份前往馬尼拉嘅救援人員到場分享感受，大家齊齊為事件中嘅傷亡者祈禱，而晚上七點就會舉行燭光晚會，向遇難港人致哀之餘，亦支持同祝福生還者。