06/08/2010

播放本新聞相關短片

政情：鼠王芬囝囝初嘗紅酒

立法會正值抖暑，好多議員同家人外遊敍吓天倫，而立法會議員「鼠王芬」梁美芬早前就一家四口暢遊奧地利、法國同荷蘭三個歐洲國家，行程仲極其豐富。佢哋既去法國嘅森林騎馬，又去咗著名酒莊參觀，兩個十三、四歲嘅囝囝仲初嘗紅酒滋味，好彩冇一試上癮。佢老公、城大法學院院長王貴國，則成為呢個世紀第一個喺海牙國際法庭演講嘅華人，不過入場聽嘅囝囝話太深，聽唔明喎。

歐遊完畢，鼠王芬旋即再戰內蒙繼續玩，真係令人羨慕！

為應屆會考生打打氣，請瀏覽on.cc東方互動《放榜無限分2010》專輯