霍公子籲勞資多溝通

霍公子話依家歐美經濟開始呆滯，中國就正值蓬勃期，又係世界工廠，全世界都喺呢度生產，自然對勞工需求好大，員工嘅壓力相對大好多，所以僱主要諗辦法紓緩員工壓力，勞資雙方要多啲溝通，睇吓點減壓。

都係「廠佬」而又喺內地設廠嘅立法會議員方剛同梁君彥，就異口同聲話唔信員工會為咗恩恤金尋短見。做開成衣嘅方剛對今次嘅事件都不明所以，仲話富士康全國有成八十萬員工，要管理呢個大企業一啲都唔易，所以喺管理員工方面一定要多花心思、放啲心機，了解員工需要。佢仲自嘲自己嘅廠房得三千幾個員工，拍馬都追唔上對方。