「企喺路邊反而踩油」

街坊李女士指出，斑馬線「根本冇用，就算企喺路邊，啲車都唔停，反而踩油快快駛過，所以我都睇清睇楚冇車行，先至過馬路！」

葵青區議員盧慧蘭表示，念祖街車流比以前多，不少車輛車速頗高，曾接獲居民投訴，她會向運輸署及警方反映，希望有關當局作出相應措施，以保障居民過馬路安全。

香港商用車輛駕駛教師協會主席鄭楚光指出，斑馬線其實有時會衍生安全問題，例如可能會使行人「有恃無恐」地過馬路，若加上司機駕駛態度惡劣，便會釀成意外，他認為應以設有交通燈的行人輔助線取代。