香港政府對借貸的大學生說：「乖乖，畢業三年後唔使你哋還錢，不過利息照畀！政府被迫做吸血蚊。」青少年失業高企，大學生拖延還款及破產個案連年上升，政府擬推延期還錢計劃，表面上好似為大學生設想，實際情形是不少大學生畢業即失業，三年仍未找到工作，或者搵得雞碎咁多，未夠自己食，點還吖？延長三年還，利息畀多啲，問題未解決！

學生睇到計劃根本係舊酒新瓶、治標唔治本，將炸彈押後爆破。有指若大學生畢業後不再用立即還錢，會影響他們的理財觀念，三年後同樣有機會拖欠還款，故不贊成港府一刀切將還款期押後三年，建議港府根據個別學生的薪金及家庭經濟環境去決定還款寬限期。

學生看到的，政府想不到？立法如此求其，難怪七成法案過唔到立法會！一架花車豪擲三百多萬畀人彈到面黃，官員水平可思過半矣！政府一味斷估，取易不取難，一刀切下，天大問題就解決了？

施政要用心，幫人要以誠！據說，「理屈詞窮」已經過時，如今是「理屈詞富」的時代：愈是沒理的人愈喋喋不休，正應了「不在放蕩中變壞，就在沉默中變態」。