繼中大前校長高錕獲頒諾貝爾物理學獎後，英國皇家建築師協會日前宣布，美籍華裔建築師貝聿銘將獲頒「皇家金質獎章」，頒獎禮會喺出年二月十一日喺倫敦舉行。呢個獎屬建築界殿堂級獎項，並由英女王伊利沙伯二世親自批准，表揚佢喺建築界嘅終生成就。
身在紐約嘅貝聿銘話：「獲RIBA（英國皇家建築師協會）金質獎章深感榮幸，與先前的獲獎者相比，我感到惶恐。」他仲話好期盼可以出席頒獎禮。現年九十二歲嘅貝聿銘已享譽建築界半世紀，佢嘅作品遍及世界各地，最著名嘅作品包括華府「國家美術館」；波士頓嘅約翰．甘乃迪總統圖書館；巴黎羅浮宮整修計劃等。
中大前校長金耀基話高錕獲諾貝爾係遲來嘅榮譽，RIBA會長露絲．利德亦都用類似嘅話嚟形容貝聿銘：「他早就該獲獎，而且實至名歸。」