學到情色與色情分別
完成首場大學講座後，周秀娜自我評價說：「都OK，自己做足準備工夫，睇番自己報道，睇吓講過乜嘢，諗吓啲問題。」被問到是否覺得教授的問題深奧？她說：「都會嘅，盡量答番自己第一身嘅嘢。」問她學到甚麼？她說：「學到情色同色情嘅分別。（你屬於邊種？）呢樣嘢唔需要界別。」出席大學講座的周秀娜，昨日特以一身端莊打扮亮相，她坦承：「有揀過，配合自己場合。」至於會否再應邀到其他大學出席講座，她說要視乎講座主題。
科大早前宣布邀請周秀娜出席學術講座後，外界已狂插校方膚淺、荒謬，惟周秀娜無懼外界抨擊，昨晚照常出席講座，衣着明顯較保守。今次名為「解構周秀娜現象」的「知識無限」系列講座在科大演講廳舉行，可容納四百人的演講廳，七成出席者是男生，可見男生比女生更踴躍，大家均期待可從中有所得着。
講座由嶺南大學文化研究系教授李小良主講。他一開始即引用《西廂記》的色情典故套用在周秀娜的個案上，與攬枕、食雪糕、刷牙等同是性現象、性引喻，並即場播放幾段廣告，包括周秀娜的纖體廣告以及模特兒食雪條等，李將之定性為情色消費一種，富挑逗及誘惑性。
之後周秀娜現身與李教授對談，但內容被學生評為毫無得着兼空洞，周秀娜問非所答、不理解教授問題，醜態百出，而李教授的提問亦受爭議，同一問題竟問三次之多，連「你是否快樂？」也被列為問題，台下不少學生直言對對談用意摸不着頭腦。
比較超模o靚模：我慶啲
到台下發問環節，有修讀人文系的研究生質問周秀娜推出性感人形攬枕時，「其實諗緊乜？有冇諗過會引起社會嘅回響？你究竟有咩感受？」她面露靦覥地笑說：「我喺推出產品之前，有好多團隊同工作人員幫我，冇話為乜而做，只係為迎合社會而產生嘅product（產品），出咗嚟被人點講唔係我嘅角度，但係我係做咗我想做嘅事。」
有學生問周秀娜超模及o靚模的分別及哪一種「慶啲」，全場爆笑拍手。周秀娜為迎合大家「需要」說：「我覺得我慶啲，我唔係佢哋，我唔可以代表佢哋講。」
對於周秀娜的回應，有學生認為她問非所答，詹同學說：「佢根本無答過問題，只係不斷迴避，而且佢之前亦冇準備過，連教授問嘅嘢都唔明白，根本參與唔到討論。」詹更笑言，終於明白外間為何經常評論口靚模是否有腦。余同學則認為口靚模到場純粹搞噱頭，實質作用不大，「當有個例子在場都好嘅，對文化研究都有一定幫助。」