有份出席閱兵儀式嘅立法會議員葉劉淑儀，睇完香港部花車之後就即時皺晒眉話：「得啲好似紙紮咁嘅會展中心、國金中心，毫無主題、毫無創意，實在令人失望，澳門嘅都好過我哋，十年前香港花車又係咁嘅色，真係冇乜進步喎！」港大校長徐立之亦大彈花車嘅顏色好淡。反而現場唔少人大讚澳門花車有睇頭，其次台灣花車都好靚。

台灣：花車上有真人演繹台灣嘅民族特色。

澳門：「盛世蓮花」花車最有睇頭，車頭有個大蓮花外，仲有大三巴牌坊同回歸塔，論美感同氣勢都勝一籌。 （新華社圖片）

唔知係咪收到風有人大彈香港花車，特區政府喺下晝急急出新聞稿，仲死撐話花車燦爛奪目，又詳盡解釋香港花車嘅設計，原來花車仲有屏幕播放著名導演劉偉強和杜琪峯拍攝嘅短片，可以講係「名片頭，掃把腳」。香港連一架小小嘅花車都畀國內其他城市、澳門同台灣比下去，如果政府仲係咁不思進取，真係替香港前景擔心喇！