26/09/2009

播放本新聞相關短片

政情：昂坪360新帥唔敢搞鬼

昂坪「三碌拎」易帥之後，纜車董事總經理李殷泰唔經唔覺已經上任兩個月，尋日佢同傳媒會面，講到未來大計，佢同上手張少華一樣計劃多多，一時話要搞夜航，一時又話搞高清版水晶車，仲買埋全球半古董纜車車廂返來搞展覽，唯獨萬聖節佢就冇乜意欲搞，話唔想騷擾佛門清淨地。

佢透露夜航啟動時，大佛仲會着晒燈，令附近景觀生色不少。問到李殷泰會唔會搞吓萬聖節嘅鬼活動，佢擰頭話：「我佛慈悲，啲妖魔鬼怪通通唔會出來！」