以可愛做賣點嘅LG手機AKA，喺南韓推出時大受歡迎，仲吸引好多粉絲喺機面殼上畫公仔，效果得意。而呢部咁有特色嘅手機行貨正式登陸香港，想將新機嘅可愛因子發揮到盡，當然要親手DIY。今次就特別搵咗著名Blogger兼YouTuber、形象活潑嘅Hana（譚杏藍）醒大家DIY貼士，將AKA變成獨一無二嘅專屬機！

LG AKA 各$2,698（不連機面裝飾）

AKA眼仔表情多多，微笑、眨眼就唔少得，搖動機身佢仲會扮暈。

每色AKA均代表唔同角色，好似粉紅色就叫YOYO，肥嘟嘟幾得意。

仲可以透過內置嘅《Snapsh-OO-t》，同公仔玩合照。

AKA有對大眼仔，玩擬人化就最啱。

樹脂顏料用法同廣告彩一樣，不過Hana提醒大家唔好溝水。

平時都會畫吓卡通公仔嘅Hana，今次就同AKA扮靚，為白、黃、粉紅及深藍四色AKA各設計一個特色前殼，而佢就住個人喜好，分別整咗大隻佬、笑哈哈、櫻花、閃石波點四款，設計非常得意。雖然各位未必可以擁有Hana設計嘅作品，不過佢就有設計貼士同大家分享：「其實AKA最得意係一對大眼仔，所以設計時當然要利用呢個特點，倒不如將AKA畫成為一個人咁，為佢加一雙手、嘴巴甚至衣服，咁就肯定可愛！」

樹脂顏料最啱用

而前殼採用光面塑膠物料，Hana就話最簡單當然用油性筆，不過畫出嚟就唔夠層次；於是佢教路：「我建議用樹脂顏料，再以畫筆繪畫，都好易控制；而且畫出嚟仲會有層次感同埋質感，效果非常好。」佢仲提醒大家：「留意唔好將顏料溝水，繪畫時要將顏料保持最凝固狀態，否則好易化開。」除咗畫畫，Hana話大家都可以試吓加入女仔必儲嘅貼紙或者好襟興嘅Bling Bling閃石，效果一樣咁搶眼。

查詢：3543 7777