《The Wonderful 101》

超級英雄未必個個都一打十咁犀利，Wii U遊戲《The Wonderful 101》入面嘅超級英雄就只能十打一，甚至一百打一，先能夠打得低入侵的外星人！呢款遊戲由開發《Bayonetta》同《Metal Gear Rising：Revengeance》嘅Platinum Games製作人神谷英樹跟稻葉敦志主理，玩法一啲都唔Hardcore，反而似這兩位名製作人早年的《Viewtiful Joe》系列咁有趣、抵死兼過癮，仲可以四人合力添！

《The Wonderful 101》

唔好以為超級英雄細細粒無料到，原來出招時都幾華麗。

如得小貓三四隻，就只能變出手槍仔，多人就可變成機關槍。

夠人多，變出巨手後，就可用佢扭動巨型機關。

合力變形打外星人

遊戲設定中，所有超級英雄平時都只是平民，好似四大主角之一的「Wonder Red」本身是教書先生，有危難時先至一齊出動。遊戲講外星人入侵，在畫面上睇落細細粒的超級英雄就群起出動抵抗外星人，不過每位英雄的能力認真有限，要靠大堆頭「蟻多摟死象」先至掂！好在超級英雄擁有「Unite Morph」連合變形能力，只要集合眾人之力就可使出一如粵語長片「We Wun Wun」的變形武器，好似能使出「變形巨手」、「變形長劍」、「變形槍」及「變形鞭」等，如果夠疊馬的話，武器仲會變得巨大兼強化。如只得小貓三四隻的話，只能變出一支手槍仔，多人的話就會變成一支機關槍！甚至可以拎超級英雄當子彈使用，不過一射出去就會消失，切記切記！本作最緊要集合多啲英雄幫手，加上可賺取「O零件」追加各種技能，保衞地球有望！

Info

類型：動作

開發：Platinum Games

平台：Wii U

推出日期：8月24日

售價：約$400

查詢：2359 7998