下載費用：免費
呢期都不斷見各路候選人在台上針鋒相對，拗得面紅耳赤，無非為咗要在今個星期日贏到個議席。不過點計都唔及選總統重要，而且仲要係選美國總統，奧巴馬仲激到在白宮上跟羅姆尼隻揪！佢哋兩個在現實世界中仲未講手，隻揪橋段只係《VOTE!!!》呢個新推出的格鬥Game而已。
角色只得奧巴馬同羅姆尼兩位，任支持者揀選扮演，務求KO對方贏取金錢增強裝備，以及最緊要嘅選票；大家打得好，每Round最多可以為所支持嘅候選人增加三票。截稿時奧巴馬以67%大幅領先羅姆尼，同民調勢均力敵差得遠。兩位候選人所使出的招式唔算多，只要用手指向左、向右、向上、向下拉就可進行攻擊，睇得準對方的攻擊Pattern按實抵擋Icon就好易打得贏。遊戲設計亦相當幽默，好似武器方面就有咪高峰、燒烤叉甚至冰條等，仲可Unlock其他特別衣飾道具幫角色裝身，亦可以用上「加稅」、「醫療保障」等絕招，認真抵死。
《Kingdoms & Lords》建立中世紀王國
平台：iOS 4.0或以上；Android 2.2或以上
下載費用：免費
呢款模擬戰略遊戲《Kingdoms & Lords》係手機遊戲大廠Gameloft出品，相當有保證。從遊戲名稱都估到係以國家做單位，擴展自己領土，然後組織軍隊防衞或者侵佔別國土地，屬好典型嘅模擬戰略遊戲格局。遊戲背景係中世紀，要擴展自己國家實力，都要用較「原始」方法，即耕種農作物同飼養牲畜換錢換食物，仲可以透過改良生產系統增加稅收，逐步建立王國。
遊戲中最大敵人並唔係鄰國，而係黑暗之王，但要壯大自己勢力，都係靠建立軍隊，訓練士兵同升級武器攻打鄰國，而最特別係可使出魔法卡，用魔法攻擊，話晒遊戲背景係中世紀，聽落都合情合理。當然唔少得係可以邀請朋友組成聯盟，有事就互相幫手，又或者乘機偷襲朋友，殺佢一個措手不及，搶奪更多資源，玩落真係會令人上癮。
《Girl's Generation SHAKE》搖少女時代
平台：iOS 3.0或以上；Android 2.2或以上
下載費用：免費
大打韓星牌的《SHAKE》系列音樂Game已出過好幾個版本，之前有Bigbang、2PM、Super Junior等，早前仲預埋Girl's Generation玩。App內收錄了Girl's Generation名曲《The Boys》、《Oh!》及《Run Devil Run》等，既有最傳統的Tap畫面玩法，仲有類似DJ捽碟的點題SHAKE-Wheel玩法，仲可以儲Girl's Generation卡添！
《Ocarina 2》手機吹笛
平台：iOS 5.0或以上
下載費用：免費
iPhone可以變Keyboard、Drum Set同結他，經由《Ocarina 2》這個音樂App更可變成小鵝笛（Ocarina 2），住畫面上的Note，然後向住iPhone底部的收音咪位吹氣，就可模擬頗像真嘅吹笛感覺。覺得免費版太少嘢玩，仲有大量In-App Purchase畀大家升級添。
《Pronto》倒數日期提示
平台：iOS 5.0或以上
下載費用：$8
人老咗記性愈嚟愈差，若唔記低啲重要嘅事項，真係轉頭就諗唔起。《Pronto》係iOS記事App，同跟機就有嘅備忘錄最唔同係可以分門別類記低朋友生日、約會、工作死線等唔同項目，仲會顯示埋倒數日期同定時提示服務，$8都算畀得過。
《Bolt!》飛人搵寶藏
平台：iOS 4.0或以上
下載費用：免費
抽水新App又點止隻《VOTE!!!》，仲有呢隻以飛人保特做主角嘅遊戲App《Bolt!》。App入面保特唔係喺田徑場上狂跑，而係換成在荒野上疾走，又跑又跳要快海盜一步拎走啲寶藏。點解要咁做？唔好理喇，總之過癮就得。
《VOTE!!!》