雲上旅程：食在廣州

到廣州其中一樣重要項目當然是食啦！在天河區入了一間意大利餐廳，門面裝修非常華麗，原本只怕有外表無實際，可是由Pizza到意粉及芝士火腿角都非常好味！我問夥計：「廚師是意大利人嗎？」原來是有一位意大利大廚，教授了多位本地廚師。後來到另一間西餐廳，食物也不錯！在廣州食西餐是個驚喜！而價錢則跟香港差不多，但對於當地人來講算貴了。

至於本地食品，當然要試廣東飲茶啦！坐的士前往「上下九」步行街，問司機：「想飲茶，邊間好呀？」司機於是車了大家到「廣州酒家」，沒想到的是，我們在3時到達時竟然快要收爐！冇計啦！冇下午茶！惟有在上下九逛逛找食的。誤打誤撞下入了間名叫「荔灣名食家」的小店，原來是由「伍湛記粥品」、「歐成記麵食」及「南信雙皮奶」三家店合作開設的。試過的雲吞麵、腸粉、煎韮菜餃及雙皮奶等都好好味，價錢也便宜。不過當時因人太多，要等位之餘又要自己取食物，是一個缺點。到了晚上，友人說不如到流花湖公園內的「唐苑」試試，聽人說其海鮮不錯。於是我們坐地鐵到「越秀公園站」出，但走餐死也未找到，一行人左問右問，我打趣說：「可能找到時已關門了！」後來終於找到唐苑，一推門，侍應便說：「我們已收爐！」吓？9點就收爐？我真係烏鴉口！無奈地跳上的士回上下九，到「陶陶居」飲夜茶吧！可惜跟我十幾年前食的味道差好遠，除了燒賣OK外，其他質素平平；而且職員態度甚差！（明天續）