單車旅遊作家網誌談生活

一直有追開人氣「單車旅遊作家」石田裕輔（Ishida Yusuke）嘅著作，如以七年半時間騎單車環遊全世界嘅驚人經歷所寫成嘅《不去會死》、《最危險的廁所與最美的星空》、《用洗臉盆吃羊肉飯》，到以單車遊日本的《日本．一直騎下去》，都見識到他的無比毅力同豐富幽默感。雖然石田裕輔在日本推出嘅新作《台灣自轉車氣儘旅》相片遊記仍未見中譯本，但從其個人部落格中都可追貼他生活上的點滴。

訂立排行榜

不過大家又估唔估得到，原來石田在部落格中最多嘅更新，並唔係關於旅遊同美食，反而講生活、社會同運動，而且更新次數更相當頻密，當然大前提係大家要睇得明日文啦，否則睇相再加漢字估估吓也能略知一二嘅！此外，石田好鍾意將唔同事物訂立出自己嘅排行榜，如在今年2月更新嘅文章「全身都想吃的拉麵」中，就被藏身小鎮上的拉麵店湯麵及老闆所感動，連吃咗四日，更將佢封為日本第一拉麵添！

網址：http://yusukeishida.jugem.jp/